Қасым-Жомарт Тоқаев ҚР Қарулы Күштері өкілдерінің салтанатты шеруін қабылдады

Бүгін елордада өткен ұлықтау рәсімінен кейін Қазақстан Президенті — ҚР Қарулы Күштерінің Жоғарғы Бас қолбасшысы Қасым-Жомарт Тоқаев ҚР ҚК өкілдерінің салтанатты шеруін қабылдады, деп хабарлайды ҚазАқпарат тілшісі.

Атап айтқанда, Қарулы Күштер өкілдерінің салтанатты шеруі Тәуелсіздік сарайы алдында өтті.

«Жоғарғы Бас қолбасшысы мырза, әскерлер Қазақстан Республикасының Президентін ұлықтау рәсіміне орай сапқа тұрғызылды», — деді Қорғаныс министрі, генерал-майор Нұрлан Ермекбаев.

Бұдан бұрын хабарланғандай, бүгін елордада Тәуелсіздік сарайында өткен ұлықтау  рәсімінде Мемлекет басшысы Қасым-Жомарт Тоқаев Қазақстан халқына ант берді.

Салтанатты шарадан кейін Президент еліміздегі өзекті мәселелерге қатысты атқарылатын шаралар туралы айтып берді. Осы орайда халықты толғандырып отырған басты мәселе  көтерілді. 

Қ. Тоқаев Қазақстанда жаңа Экологиялық кодекс қабылдануы керектігін тапсырды. 

Президент азаматтардың қолжетімді баспанаға ие болуына айрықша назар аударатынын мәлім етті.

0 комментариев

Комментировать

17 − 10 =